AmagersHistorie_I

135 17- Vorthmehr so scholen nene wagenkerles metzer dragen effte kulen, noch vor des kopmans velde holden wed- der des kopmans wille, by twen loedigen marcken, halff den vågede unde halff den olderluden; ock scholen sie nene ver- bindinge maken. 18. Vorthmehr schalme ock nemande sinen budel ne- men. 19. Vorthmehr schal nen wagenkerle edder munderck gudt van dem lande voren na der sonnen, by twen loedigen marcken, halff dem vagede und halff den olderluden; up mach men wol schepen und voren. 20. Vorthmehr were dar jennich wagenkerle, des sin wagen neen voder heringes voren konde edder mochte, de wagen schalme bernen. 2 1. Vorthmehr were dar jennich wagenkerle, de des kopmans gut umme wurpe unde dar nicht by en bleveund hulpe dat bergen, de schal dat gut betalen. 22. Vorthmehr so schal hir nein mekeler wesen by live und by gude. 23. Vorthmehrsomach kannefas ein jewelick verkopen. 24. Vorthmehrsoschal hir ock nemand fleisch verkoe- pen edder veyele hebben sonder de knakenhauwer; wurde dar jemand mede begrepen, de schal deme vagede geven twe lodige marck. 25. Vorthmehr wer dobbelen wil, de schal gan in dat handuth(?) und anders nirgends. 26. Vorthmehr schal ock nene schute manck den pra- men liggen, und ock scholen nene schuten leichten sonderde pramkerles, by einer lodigen marck. 27. Vorthmehrsoschal nene schute gevestet werden an de andere, averst einjeder schal sulven sin ancker setten; ock scholen se nene wege tholeggen edder beslan. 28. Vorthmehr so schal nemand wunden verbinden, he schal idt deme vagede ersten seggen bi dren loedigen mar­ cken. 29. Vorthmehr so schal nein vischer hering sollten vor S. Michaelis dage, de sulven in de see varth, mehr van eine halve last.