AmagersHistorie_I

138 broke schal stan tho dem vågede unde tho den olderluden. (Se § 27). 49. Vorthmehr so schal nein vorkoper grone vische veile hebben, dorsch effte ael, men de jennen de ene sulven van­ gen ififte sin gesinde, bi verlust des gudes. 50. Vorthmehr so schal nemand Rinschen win tappen anders den Lubesche mathe, dat quartir umme dre witten. 51. Vorthmehr dat goldt und pagament, alse dat de gemenen vogede hir setten uppe Schone, alsoschal me dat nemen. 52. Vorthmehr so schal nemand anders heringk solten anders, wen vor beyden boddemen unde middeweges alleins, ahne ingestortet, ahne schalback unde ahne halen heringk; wurde jemandt begrepen, de id also nicht helde, de schal dat gudt verbraken hebben. Unde dat schal stan tho deme vågede unde tho den olderluden, wo se dath vordan richten willen. 53. Vorthmehr welck man sick bestediget to deme än­ dern to vischende, he si sturman edder rodersman, he schal mit em vischen also lange, alse he em ersten gelavet hefft; unde wurde jemand darmede begrepen, dat he des nicht dede, de schal nener borgen geneten. Unde dat schal tho deme vagede und tho den olderluden stan, wo se dat richten willen. 54. Vorthmehr so schal nen vischer upsniden vor S. Dinnies dage (9. Okt.), id si den sines schipheren wille; dede idt averst einer wedder des schipheren wille und de schipher dat clagede, dat schal stan tho deme vagede und tho den olderluden, wo se dath richten willen. 55. Vorthmehr welck vischer de upsniden wil, wen de vischerye gedan is, unde wil sine ballast werpen, de schal sine schute leggen an dath landt, also na alse he vieten kan, und werpen dan de ballast uth. Wer dat so nicht holdt unde wurde daraver begrepen, dat schal stan tho deme va­ gede und tho den olderluden, wo se dath richten willen. 56. Vorthmehr wer dar wil wandt sniden, de schal den wantsnideren ersten don also vele alse recht is, so ere ge- rechticheit uthwiset.