AmagersHistorie_I

140 XIX. 1493. 1. Marts. Clawes Pulsman af Stralsund over­ drager til Claves Bolten sst. sine to Boder paa Dragør. Ick Clawes Pulsman borger tome Sunde myt mynne eruen bokenne vnde betughe openbare vor alles weme in desserne breue dat ick rechte vnde reddelyken hebben vorkoft vnde vorlaten vorkope vnde vorlate to enerne ervygen steden va- sten kosten kope yegenwardygen in kraft desser breues deme ersamen manne Claves Bolten borgere tome Sunde vnde sy­ nen eruen myne twe boden vppe Drakør belegen vppe deme schylde an der wysmerchen strate nort wart van der biiker- cken myt alle eren to behoringen vor hundert marck sundis dede my to vuller moghe van em volle dancke vornoget vnde betalt synt vor der makynghe desses breues so qwyt vnde so vryg alzo ick de suluen beyden erbenomeden boden myt eren to behoryngen gehat gebrucket vnde boseten hebbe vnde my vnde mynen eruen myt alle nychtesnich an den twen vorbenomeden boden tobeholdende vnde vorlate so Clawes Bolten vnde synen eruen to der hant vnde my vnde mynen eruen van der hant vnde en wyllen dar nymmermer in nenem tyden vpsaken. Dyt allent vorscreuen laue ick Clawes Puls­ man myt mynen eruen Clawes Bolten vnde synen eruen in guden truwen vnde sekeren louen stede vnde vast wol to holdende sunder alle arch vnde argelyst. Des to groter vnde vaster vorwaringe hebbe ick Clawes Pulsman vor my vnde myne eruen myn ingesegel wytlyken gehenget vor dessen breff, den mede tor wytlycheyt vmme meynes bede wyllen alze mechtighe tughe vorsegelt hebben de ersammen manne alze her Johan Bolkow ratman tome Sunde vnde Peter Jorden en ersseten borger darsulues geuen vnde screuen na gadis bort 1400 vnde dre vnde negentych yar des vrygdages vor Sunte Adryanns dage des hylgen martelers. Afskr. i Langebeks Dipi. 1492 — 97 efter Orig. i Nikolaj Kirkes Arkiv. XX. 1496. 9. Marts. N iels Audersen Guldsmed skøder til Set. Margrethe Alter i Frue Kirke tre Boder med et Her­ berg paa Dragør.