![Show Menu](styles/mobile-menu.png)
![Page Background](./../common/page-substrates/page0168.jpg)
61
minus 250 $ , dar de holstenschen borgen Anno. 1539
vor gelauet hebben, vnd dar ehn de beyden sloete alsze
Rypen vnnd Halle jn Judtlande mit allen eren tobeho-
ringen vnnd sunderlich mit der beyden styffte guderen, de
ytzundes darto liggen, vor tor waringe geszettett szynn.
Vnnd stan desse vorgeschreuen summen alle szampt
jn deme vmmeslages register angeteykentt, vnnd szyn
alleyne hyrvmme vppe dyth pappyr voruatett, dath men
weten moghe, wor tho dath geltt gebrukett vnnd worumme,
de szegelle vnnd breue darup vthgegeuen szynn.
Dith syn de summen geldes, de ko. matt, anno 39
vppe renthe nemen laten hefft.
18,000$. van her Wulff Powischen, 1,080$ renthe.
Van dessen 18,000 $ krech Engell Landtwere mit sich
na Luneborch jegen trium regum, to der erstenn helffte
der frommeden ruter betalinge, 13,500 $, dat ouerige quam
jn dem vmmeslach.
3.000 $ van Melchior Rantzouwen, 180 $ renthe.
3.000 $ van Benedictus Powischenn, 180 $ renthe.
Hiruan worden 2,600 $ getellet, de quemen jn ko. durchl.
vmeslach tho Rendesborch, de 400 $, de darauer warenn,
de behelt he jnne jn syne betalinge, de ehme by ko. mat.
nastendich; js vorlechtes geldes by deme huse tho
Segebarge.
3.000 $ van Syuerdt van der Wischen, 210 $ rente.
Desse houetstoll quam jn ko mat. vmschlach, vnnd Cle
ment van der Wisch wordt houetman jn deme breue.
3,000 $ van Otten vam Damme, 180 $ renthe. Desse
3,000 $ krech Hinricus Schulte mit sich na Luneborch tho
der lesten betalinge der frombdenn ruteren vp palmarum.
4.000 $ van Jeronimus Rantzowen, 240 $ renthe.
Desse 4,000 $ quemen nicht thor tellinge, sunaer Jero
mmus Rantzowe hadde van zeligenn Detleff Brocktorppen
wegen einen breff vann
12,000
$ by sych, dar demesuluen