89
P.
Desse nageschreuen summen geldes wil ko. mat. myn
gnedigester here jn dessem thokamenden vmmeschlage des
1545. jares afleggen vnnd betalenn lathenn.
De renthe js 16,151 $.
Noch de renthe van Segebarge js 720 $ .
Noch de renthe van Sunderborch js 360 $.
Summa summarum der reute jn alle 17,231 $ .
Nota. Mit hertzogen Johans thoredende der 600 $
haluen, de syn f. g. van der Morkarcken rente wegen
entfangen hefft, dat syne f. g. hertzogen Adolphen solcher
600 $ haluen wedderumme tho freden stellenn möge. —
Mit Marten van Eossen thohandelende noch vp ein jar
stillestandt vp syne 4,6121/2 $ houetsummen, dar sust
lange keine renthe vp gegan js, al scholde men ehme dar
ock rente vpgeuenn.
1.000 $ der Biomeschen jn afkortinge erer 2,450 $
houetstols, de se by ko. mat. vp rente Stande helft.
2.000 $ den Blomen thor Schonenhorst jn betalinge
erer houetsummenn, de sich thosamende vp twe breue
belopt tho 8,850 $ . Nota. De eine breff ludt men vp
2,000 $, daruor begeren se dat gelt.
1,800 $ Heinrich Rantzouwenn tho Gottorp nasten-
diges zoldes, dar he jarlichs 108 $ renthe vp kricht.
3.000 $ Meinhart vam Hamme, de ehme vp den
vmeschlag des 42. jares bedaget werenn, van der olden
vordracht wegen, de ko. mat. mit ehme hefft lathen vp-
richten, dar he domals ock 3,000 $ vp entfingk.
3,000$. Otto Radtlouwen, daruan he ko. mat. 1,500$
vor twenn jaren schal gelenth hebbenn vnd jtzundes jn
dessem sommer de anderen 1,500 $ tho bethalinge der
knechte.
3.000 $ her Wulffe Pogewischen, de he ko. mat. der
knechte haluenn, do se vorlouet worden, gelenth hefft.