140 / 185
134
6.
Vorthmehr were idt dat jemand ein garne effte ein
ancker funde, de schal dat bringen up des vagedes velt unde
deme schalme arbeydes Ion geven.
7.
Vorthmehr so schal nein vorkoper riden in den
strandt den heringk thovoerne tho kopende by twen lodigen
marcken, de eine schal de vaget hebben und de ändern de
olderlude.
8.
Vorthmehr schal nemandt den ändern voerkop don
by demsulven vorgeschreven broeke.
9. Vorthmehr so schal ock nemanndt in de see riden
buten dat crutze heringk tho koepende by twen loedigen
marcken, de helfft dem vagede und de ander helffte den
olderluden.
10. Vorthmehr schal nemandt in den strandt riden, ehr
de korff uppe is, by twen loedige marcken, demvagede de
helffte unde den olderluden de helffte.
1 1 . Vorthmehr schal nemandt beringk solten in den
groten schepen by tein loedige marcke.
12. Vorthmehr so schoelen nene Engelschen heringk
solten noch nemand mit ehreme gelde by verlust des gudes.
13. Vorthmehr were id sake, dat dar jemandt geruchte
makede, dat schal de vaget richten und de olderlude ann sin
hoegeste und wat darby wanet edder dat geruchte horet und
sturet dat nicht, deschal
na dem male nicht so lofwerdich
wesen, alse he thovoerne was.
14. Vorthmehr were id sake, dat jemand angegrepen
wurde edder dar gerichtet were vortiden, edder so dar jemand
were, de dar up saken wolde und wolde dar jemande umme
drouwen, wor men de uthfragen edder uthforschen kan, de
schal me richten an ehre hoegeste.
15. Vorthmehr were idt sake, dat jennich geruchte ge-
schege, dar schal nemand tho lopen tho groter vermehringe
edder verirringe, men ein jewelick schal bliven up sinem
veide edder up sines kopmans veide edder in siner schuten.
Wurde dar jemand mede begrepen, de dar tholepe, den schal
me antasten und richten daraver.
16. Vorthmehr schal me nenen lofwerdigen man in den
staken warpen, de dar borgen mach setten.