![Show Menu](styles/mobile-menu.png)
![Page Background](./../common/page-substrates/page0142.jpg)
136
30. Vorthmehr schalme nenen grumkerles verdreth don
by einer loedigen marck.
3 1. Vorthmehr so schal dar nemand buten den palen
tho der seewart riden heringk tho koepende by twen loedigen
marcken, und hedde he hering gekofft, den schal he nichtht
beholden averst einn ander, de dar negest is bynnen den pa
len, de mach de heringk wol beholden.
De helffte disse
brokes schal hebben de vageth unde de ander helfft de ol-
derlude.
32. Vorthmehr so scholen dar teyen karynen wesen
unde scholen nicht tho hope dregen, me schal den heringk
erst verkopen.
33. Vorthmehr so schal nein munderck heringk kopen
in dem strande by sofs loedigen marcken, de helffte dem
vagede und de andere helffte den olderluden. Also dicke he
dat deit, so schal he verlesen heringk unde both tho des
vagedes behoff. Men allene schutenjungen scholen de lude
up unde in de schipe voren, und se scholen neinen herinck
kopen by dem sulven broke. Unde ock schal nein munde-
rick umme gelt voren, he hebbe denne ein teicken van dem
vagede.
34. Vorthmehr so schal sick nein kopman mit munder-
ken lathen an schuten setten effte droges votes heringk ko
pen; he schal riden edder waden, by teyen loedigen marcken,
halff den vagede und halff den olderluden. Und ein jeder
mach wol in sine eigene schute varen.
35
.
Vorthmehr schal men nemande leyden vor schulde,
de to Draker gemaket is,effte de uppeDrakere gelovet is
tho bethalende, idt si kort edder langk.
36. Vorthmehr so schal nemand botter verkopen an
helen tunnen effte an halven, sonder men wege se denne, by
verlust der botter unde des geldes.
37. Vorthmehr de vlotrep, garne unde symme scholen
ehre lenge hebben.
38. Vorthmehr wen men de palen stoten schal, dar
scholen de olderlude bi wesen.
39. Vorthmehr were dar jennich man, de den anderen