174
Ende leuen enn richten huer naer hollants recht als zy nv
hebben / ende nijtt naer die deensche rechten/Ende mögen
grauen / Ende jnde beste wyse enn mate naer hoer eygen
hollantsche wyse dat verdselen zoo dat die eene zoo veel
margen lants mach crygen als die ander / Wuytgenomen die
vier houen vp Draken die hier naer gescreuen staen / enn
zullen mögen vry zyn voir eeinge molestarie van varen enn
arbeyt enn alle andere beswaringe vuytgenomen voir gelt enn
betalinge / enn mögen vercoopen wat steen daer vpten voirsz
lande es wairt hem gehest / Desgelycken mögen zy oick vry
vogelen vangen enn die visscheri bruycken onder den zeluen
lande / enn alle andere neringe jn wat manieren zy him be-
hulpen connen / vuytgenomen zwanen hazen / enn meer ander
visscherye als zeel / stoer / meerswyn enn alle ander visch die
ons mit rechte toe valt naer hollansche wyse/Welche zy onz
bysonder zullen verpachten / enn zullen voirt genyeten enn
behouden tvoirsz lant die een eruinge nair den andere ten
eewegen tyde / vuytgenomen onsz en der croonen vischelege
vp drake unt huer vryheyt enn toebehooren / Doch zullense
genyeten enn behouden den tollenaers gaerde daer een vp
wonen zal / Die daer vp bueren zal onsz toi enn alle gerech-
ticheyt die ons daer mit rechte mach toe vallen/enn maecken
ons daer van goede regenscap / ofte den zeluen onsz toi enn
gerechticheyt voirz van onsz verpachten jairlicx voir een some
van peninge / Süllen oick vp Draken wonen drye ander boeren
die daer zullen houden vry openbaer herberge / enn him zal
vuytgelegt warden also veel weyden als zy behoeff hebben
tot hazen coyen enn ander beesten. Hebben wy oick gegunt
enn toegelaten dat zy mögen genyeten enn behouden den
Zolthollem mit alle zyn vryheyt enn wat calcsteen zy daer vp
breken / zullen zy vnsz borgeren hier te coppenhauen vercoo
pen / Desgelyck zullen die zelue boeren macht hebben die
eene eruinge naden anderen te vercoopen enn jn pant zetten
huer houen dair zu nv jnwonen mit huer toebehooren deen
den anderen also oc him gehest/Ende wairt by alsoo datt er
eeinge eruige geheel enn al vuyt storne / zoe zullen ons enn
der croonen die voirsz houen mit huer lant enn tot behooren