212 / 233
204
Hendrichsen, Theis Dirchsen, Dirch Theisen, Jan Teisen, Sy-
brandt Cornelsen, Gerred Jansen, Piter Jansen, Piter Jacobsen,
Cornelis Dirchsen, Willem Eysbrandtsen, Piter Jansen, Corne-
lis Thønsen, Jan Cornelissen, Jan Jansen Bacher, Arien Pi
tersen, Jacob Pitersen, Jan Pitersen Femmes, Jan Alberdtsen,
Jan Jansen Dracher unde Jacob Jansen Dracher wit malkander
tho beradende unde tho rathslagende, na deme dat unse olde
trouwe unde wedtägt dat unse forolders gemachet hebben,
dörch diht vordorfliche Krygewesent vorbrandt sint, dat see
weder wye Brive und wedtegte machen wolden, dat de ge-
meenheit in frede unde Einichiet mochte erholden werden;
So hebbe ich Schultes Dirch Cornelissen er gefraget, efte se
by ehre olde Rechte unde Privilegie blyven wolden, alse ydt
unse Vorolderen geholden unde geheft hebben, Van unse
Allergnedigsten Averichkeit alltydt vorgyndt unde gegeven
is. So hebbe se geantwordet Ir: So lange alse ydt van unser
allergnedigsten Averichheit vorgunnet syn mach, willen se
darby blyven, gelych alse ydt toe førne gewesen is. Welcher
also is wen dar eynige A rf fallen mochte, na Vader effte
Moder, eder Siister eder Broder, dat den ein Söhn nicht
mehr nimpt alse ein Dochter, unde ein Dochter even so veel
alse ein Söhn unde wen eht so geschehen møchte dat ein
Mann efte eine frouwe dorch den tydtlichen Doet afstervet
nademate wi alle sterflich sindt, unde se hebben Kinder tho-
sammen de den A rf nah Vader unde Moder, wol versterfen is,
unde dar stervet ein van de Kinder, dat den ein fader nicht
mehr nimpt alse ein van syn Kinder, nah syn vorstorfene
Kindt unde gelychen ock ein Moder even so veel alse ein
van syne Kinder, dar mit ehr noch na leven, unde wen dat
so geschehen rnøchte, alse ydt ofte geschiit dat de Vader
unde Moder allebeide sterven unde lathen ein Kindt na de
syn olders Gydt erfvet, dar se nah laten hebben unde dit
Kindt stervet och den hefft didt Kindt neen Vader noch
Moder, neen Süster og Broder, den schölen Vader-Broder
unde Vader-Stister Moder Broder unde Moder Süster diht
vörstorvene Kindt Gudt deelen, dat de helfte tho de Vaders
Süde unde de ander helfte tho de Moders Syde kyumpt,