Utdanning nr. 21

62 |

UTDANNING

nr. 21/9. desember 2016

Minneord

Ivar Nesbø vaks opp i Svelgen i Sogn og Fjordane.

Han gjekk på Helgheim Folkehøgskule i Sogn-

dal i ungdommen og hadde eit varmt hjarte for

folkehøgskulerørsla heile sitt liv som mangeårig

styreleiar og styremedlem for den folkehøg-

skulen han i si tid gjekk på.

Han tok lærarutdanninga si på høgskulen på

Stord og slo seg seinare ned i Vik i Sogn, der både

han og kona var lærarar i ei årrekkje.

Men først og fremst minnast vi Ivar som fag-

foreningsmannen.

Han var ein bauta for medlemmer og til-

litsvalde i Norsk Lærarlag Sogn og Fjordane på

1970- og 1980-talet.

Han starta som tilsett i Norsk Lærarlag Sogn

og Fjordane i 1971. Han var distriktsekretær og

skulle besøke lokallag og inspirere tillitsvalde og

arbeidsgjevar til godt samliv i samsvar med sku-

lens lov og avtaleverk. Oppgåva var formidabel

i eit fylke som er større enn Østfold, Vestfold og

Aust-Agder til saman. Med stor energi gjekk Ivar

laus på oppgåva – han kjende folket, lov og avtale-

verket og fekk som oftast rydda opp i feil og kon-

fliktar samstundes som han kunne gje informa-

sjon og kunnskap.

Vi møtte han som kursleiar for nye tillitsvalde

på 1970-talet. Omtenksamt sytte han for at alle

vart ein del av fellesskapet og kjende seg heime

i organisasjonen. Han sytte for at vi fekk den

kunnskapen vi trong for å skjøtte våre verv

lokalt, og han sytte for at fylkeslaget skipa til

lærerike kurs med gode førelesarar.

I 1981 vart Ivar Nesbø vald til fylkesleiar i Norsk

Lærarlag Sogn og Fjordane. Vi som fekk vere

med i styrearbeidet saman med han, opplevde

å få ansvar og oppgåver som gjorde at vi vaks

med vervet vi var valde til. Ivar sjølv reiste fylket

rundt, vitja lokallag, møtte arbeidsgjevarar lokalt,

deltok på kurs og kompetanseoppbygging sentralt

og på fylkesplan. Han kjende alle, og alle fekk

kjensla av å kjenne han. Han administrerte fyl-

keslaget på ein god måte, og det var orden både i

saker og rekneskap då andre overtok fylkesleiar-

arbeidet etter han i 1988.

Etter å ha vore heiltidstillitsvald i mange år, starta

han i full stilling som lærar og vart til og med det

han sjølv kalla «resirkulert tillitsvald» då han vart

lokallagsleiar i Vik. Ivar var ein lærar av den gamle

skulen, som heldt 17. mai-taler, kåserte i lokalra-

dioen og på bygdefestar; han snakka eit språk folk

forstod og sette pris på.

Den siste tida svikta helsa, og 28. august i år

gjekk han frå oss, 78 år gamal.

Vi er mange som er takksame for å ha kjent Ivar.

Vi er mange som har lært mykje av han og som

alltid vil hugse han som ein tillitsvald med ordet i

si makt og med omsorg og omtanke for medlem-

mene.

Helga Hjetland

Jonas Helge Torsheim

Ivar Nesbø