179 / 185
173
breue dere der schonefahren mit fast beschwerten gemuete
clagendt berichtet wie sich copenhagennhr rattsuerwandten
vnd bürgere im negst verschienen Vorsommer eigenthetlich
vnterwunden, auff vnser auff
Draköhr
habenden vitten alle
platze so woll die bebawten alss unbebawten mit pfalen wor
auf! ein iglicher sein marck gesetzt, zweiffels ohn derwegen
das sie für sich dieselbe einzuziehen drauff zubawen, vnd also
vns vnd . . . de facto drauß zuentsetzen, außzupfelen, mitt
embsig instendigster pitt, sintemahl ihnen solchs zum hög-
sten beschwerlich, wir mochten sie darin vorbitten. Darmitt
sie ihrer vhr alten geregtigkeitt nicht mochten priuiret werden.
Wan dan wir ihnen hirein die hulfifliche handtt so uiel
an vns zu lehenen schuldig, vnd zwar keinen anderen wegk
den e. g. h. vnd g. als bei denen die koningliche regierung
jetze stehet wider deren wissen vnnd willen solichs zweiffels
frey geschehen, zuclagen, für vns befinden mugen.
Als gelangten an e. g. h. vnnd g. vnser gantz dienst-
vleißige pitten sie wollen nicht gestatten das die vnsern an
habender vhralten gerechtigkeitten dergestuldtt" thettlich vor-
kurzt sondern vielmehr bey ermelten kopenhagenschen die
großgunstige ernste vorsiehung thuen, das sie von solch ihrem
vnbillige furhaben, abstehen vnnd die vnsern bey woll er
langten weittn vber menschen gedencken, geruiglich besehener
vhralter freyheitt vn molestiret lassen, — das ist ir pillig
vnnd dem rechten gemes, vnnd wir seindt es vmb e. g. h.
vnnd g. samptt vnnd sonderlich auch das gantze reich Denne-
marckenn vnnd derselben einwohner, nach hogsten vormugen
zuuordienen willig (osv.).
Datum vnter vnserer stadtsignet am 29. Julij anno 90.
E. g. h. vnnd g. dienstwillige burger
meister vnd radtmanne der stadtt
Strallsundt.
Orig. Rigsark.: Hansestsederne, Pk. 25, Stralsund.
Bagpaa: Til Niclas Koess (Rigskansler) Georg Rosen-
krantz, Peter Munckenn og Christoffer Walken
dorpe (Regeringsraad).