Utdanning nr. 16 - 2015

19 / 60

19 | UTDANNING nr. 16/2. oktober 2015
Ut i verda
Vaktene ved russiske skular får utvida oppgåver. Dei skal mel-
lom anna kontrollere bilar for å hindre at dei fraktar inn farlege
gjenstandar eller tek med seg noko som høyrer til skulen, går
det fram i framlegget til ny stillingsinstruks, ifølgje den rus-
siske nettavisa M24. Vaktene skal dessutan sjekke om elevane
har med seg narkotika og hindre skulking og røyking. I dag har
dei som hovudoppgåver å passe på skulen sin eigedom og hin-
dre at uvedkommande kjem inn.
222.000 born i Skottland vert kategorisert som fattige, og no
har lærarane fått informasjon om korleis dei kan oppdage om
elevar er underernærte, ifølgje avisa The Independent. I skrivet
frå lærarorganisasjonen Educational Institute of Scotland står
det at medan svolt hjå elevar før var sjeldan, er det nå blitt meir
vanleg, ettersom stadig fleire familiar slit økonomisk. EIS har
nyleg gjennomført ei undersøking som viser at lærarar stadig
oftare må hjelpe elevar som får for lite mat, mellom anna ved å
melde dei på ei skulefrokostordning eller fortelje foreldra kor-
leis dei kan få støtte. Ein talsperson for den skotske regjeringa
støttar råda frå lærarorganisasjonen og legg skylda på den bri-
tiske regjeringa for at fleire skotske barn vert fattige.
Skulane må auke
kapasiteten for
flyktningborn
Russland
Skottland
Tyskland
Skulane i München har auka kapasiteten i mottaksklassar med
20 prosent samanlikna i fjor. Men styresmaktene vedgår det er heilt
uvisst om dette vil vere nok.
München er delstatshovudstaden i Bayern, inngangsporten til Tyskland for
dei mange hundre tusen flyktningane frå borgarkrigen i Syria. I Bayern har
born av asylsøkjarar rett og plikt til å gå på skule, og no vurderer styresmak-
tene å tilsette endå fleire lærarar i mottaksklassane for nyleg komne inn-
vandrarborn. Ifølgje den amerikanske avisa Los Angeles Times har dei ikkje
oversikt over kor mange born i skulealder som har kome dei siste vekene.
Desse innføringskursa varer frå eit par månader til to år. Her skal borna
både få ei grunnleggjande innføring i tysk språk, men òg lære sosiale kodar
som kan skilje seg frå det dei er vande med i heimlandet, som at gutar og
jenter ser kvarandre i auga når dei snakkar saman, ifølgje avisa.
Monika Steinhauser, leiar for lokalavdelinga til Flyktningrådet, kritiserer
styresmaktene for ikkje å ha budd seg på situasjonen som no er oppstått.
– Følgjer dei ikkje med på nyhendene? seier ho til avisa.
Ifølgje Michael Stenger, som leiar ei gruppe lærarar som underviser inn-
vandrarar, er det først heilt nyleg at lærarutdanninga omfattar korleis ein
skal handtere born med krigstraume.
– Difor kan det vere vanskeleg for ein lærar å forstå kvifor ein elev som
tidlegare har gjort det godt på skulen, brått byrjar å slite, seier han til Los
Angeles Times.
Vakter skal sjekke bilane til lærarane
Stadig fleire elevar er underernærte
To syriske flyktningborn på jernbanestasjonen i München. No arbeider styresmaktene på høggir
for å sikre skulegang til alle. FOTO SIPAUSA/NTBSCANPIX