![Show Menu](styles/mobile-menu.png)
![Page Background](./../common/page-substrates/page0046.png)
46 |
UTDANNING
nr. 14/8. september 2017
Innspill
I ein 30-årsperiode
har trua på «testskulen»
vore rådande med sentrale stikkord som grunn-
leggjande ferdigheiter, nasjonale prøvar, sterke rop
om meir IKT og med eit PISA-regime som over-
skyggjande ris bak spegelen for å nemna nokre
grunndrag. Mykje tyder på at dette har represen-
tert eit blindspor. Den grovmaska analysen syner
at nasjonale og internasjonale testresultat endrar
seg lite, framleis kjenner mange på at dei er på
etterskot i digitaliseringa, vonde mobbehistorier
bryt seg jamt til overflata, mange elevar slit med
psykiske vanskar og droppar ut or skuleløpet, og
lærarar opplever energitapping gjennom doku-
mentasjonskrav og uønskt elevåtferd samstundes
som det reelle handlingsrommet deira snevrar seg
inn. Kva bør så vera den nye vegen?
Enkelt sagt, den som fører til oppfylling av
skulen sitt samfunnsmandat om å gjera elevane
til gagns menneske i heim og samfunn. No kan
det med rette hevdast at fleire vegar fører dit. I det
følgjande vil eg dela tankar om det eg meiner er
kjernepunkt i utviklinga av framtidsskulen, i før-
ste rekke med tanke på grunnskulen.
Først det å ta heile mennesket i bruk gjennom
undervisninga; aktivera elevane sine ibuande
evner og interesser og gjennom det skapa og sti-
mulera til livslyst og framtidstru. Det er oppfyl-
linga av den generelle læreplanen som har vore
garantisten for å få til dette. Difor er det urovek-
kjande å registrera den kraftige nedtoninga av dei
estetiske faga dei siste tiåra, der satsing på grunn-
leggjande ferdigheiter og det målbare har vunne
fram. I praksis er store delar av den stortingsved-
tekne generelle planen sett ut av kraft utan at nye
vedtak er fatta.
I staden har marknadsstyrte signal frå OECD tatt
over. Med tanke på det å skapa gagns menneske for
omskifteleg framtid, er det tvilsam og kortsiktig
satsing. Etter mitt syn er det betre resept å blank-
pussa det pedagogiske danningsidealet som legg
til grunn at born utviklar seg til gagns menneske
gjennom samhandling i arbeid med lærestoff og
oppgåver som utfordrar heile dei; som har vari-
erande miks av praktisk og teoretisk arbeid, som i
tillegg til innlæring av grunnleggjande ferdigheiter
gir stort rom for leik og oppleving i det litterære
landskapet, til eventyr og kreative utfordringar
med tre og leire. Det fordrar mellom anna større
andel praktisk arbeid i skulen som kan engasjera
fleire elevgrupper, ikkje minst i ungdomsskule-
løpet, og som vidare kan skapa meiningsfull veg
med gnist mot framtidig yrkesdeltaking. Den
tydelege teoridreiinga på 1990-talet som hadde
intensjon om kollektiv kunnskapsheving av
elevmassen, har derimot ført mange ut i teoretisk
ørkenvandring der skuledrop og Nav-kontor blei
endestasjon. Det er blitt nærast livsviktig å bryta
slike vonde sirklar. Me ser fram til ny læreplan og
revitalisering av den generelle delen.
Eit anna kjernepunkt knyter seg til teknologi.
Generelt er tida fylt av teknologioptimisme. I stor
grad gjeld det også for skulen. Digitalisering blir
boren fram av bølgje med tru på auka læring,
betra økonomi og effektivitet og opnar for uen-
delege moglegheiter; men fungerer ofte meir som
mål enn verdfullt verktøy. Med tanke på skule og
undervisning og utvikling til gagns menneske kan
det bli eit fleiregga sverd som lett kan maktstela
og pulverisera eit målretta undervisingsløp. Med
utgangspunkt i historier knytte til sosiale media
og digitale mørke rom, synest det vera viktigare
enn å ta inn over seg endelause moglegheiter det å
kunna avgrensa og klårgjera kva me har behov for
og ønskjer å bruka frå det digitale tilbodet.
Med tanke på menneskeleg kontakt, språk-
utvikling, og framsteg har dette så langt bygt
på følgjande tre hovuddrivarar: Munnleg kom-
munikasjon, skriftleg kommunikasjon og kom-
munisering ved hjelp av teknologi. Medan det
munnlege gjennom lang tid hadde forrang, tok
etter kvart skriftleg kontakt over. I dag opplever
me at teknologien tek over og påverkar språk og
samfunnsutvikling. Med tanke på å nå det spekta-
kulære og å få til god gjennomføring etter effektive
og økonomiske kriterium, ligg det fleire positive
gevinstar i denne potten. Men korleis stiller det
seg når perspektivet er å utvikla gagns menneske
der det i tillegg til å gjera gagnlege oppgåver også
i stor grad spørst om å vera medmenneske? Då er
neppe fulldigitalisering rette medisinen som fører
til eit samfunn med mindre mellommenneskeleg
kontakt.
Det tredje kjernepunktet handlar om lærarkom-
petanse. Med tanke på at skule i stor grad dreier
seg om den skulekvardagen som relaterer seg til
arbeid og kontakt mellom lærar og elev, blir det
naturleg å styrkja den praktiske biten av skule-
arbeidet. Lang erfaring viser at ein suksessfaktor
for læraren er å kunna «erobra» klasserommet og
vera dynamisk sjef der. Ut frå det bør lærarutdan-
ninga i større grad enn no leggja vekt på å styrkja
praksisfeltet. I eit slikt perspektiv framstår obliga-
torisk mastergrad som framhald på ei teoretisering
skulen bør sparast for.
«Me ser fram
til ny læreplan
og revitalisering
av den generelle
delen.»
Framtidsskulen
Lars Olav Fatland
pensjonert rektor
FOTO
PRIVAT
Kva slags spor skal framtidsskulen
utvikla seg langs? Dette aktuelle
spørsmålet har prega skule-
debatten det siste året.